MRTV ih hnaṭuan Pu Kap Hlei Piang cu Hngawng tan in that tuar

Rihkhawdar, MRTV ih hnaṭuan Pu Kap Hlei Piang cu pangai lo mi pakhat in a sut ciamco ih a hngawng a tan sak asi.

Rihkhawdar ih upa pawl in mithattu cu an kai ngah zo ih a um nak hmun pawl an sut tik ah Rihkhawdar le Tio karlak ih lungto rial nak hmun ih hnatuan si in a rel aw.

Tualthattu hi Pathian thu lam ih aa pawl asi ti`n thu thei a si ih upa pawl in ziangah na that ti`n an sut tik ah Pathian in thah ding in i fial tin a phuang aw asi.

Thah tong tu Pu Kap Hlei Piang hi Suangdo khua suak asi ih a hna ṭuan nak MRTV lam a si ruang ah Rihkhawdar ah a um mi asi.

Midai tong tam lo a si ih mi thawn huatawknak tla a nei lo. Mifelte a si ti`n a hnaṭuanpi pawl in an sim. A sung le a nupi pawl tla tu lai covid lockdawn ruang ah an ra thei lo tin an sim.

Tualthattu cu a tlun ah thu rel sak a si ding tin thu thang kan ngah.

Kalay myo lairawn mino news

Leave a Reply

Your email address will not be published. Required fields are marked *