Motor man rulh nak ding ah Falam khua in a lo Ṭul

Covid 19 boruak ah olzang deuh ih cangvai theinak dingah rinhleh mina/mina phur mortor cu a hmin in Falam in kan nei zo nan a bak ih leisungmi a si ruangah rulhnakding paisa ṭulsam a si thlang tiah thu kan thei.

Tulai boruak ah Falam khua ih kan ṭul bikmi motor cu Falam sibawipi Dr.Tluang Cung Thang, Rev Aathiam Falam, FMP le Covid – 19 Falam Volunteer hmalaknak thawn kyat ting 67 cemliam in lei sung a si.

Motor man cu Falam sibawipi Dr.Tluang Cung Thang in a ṭhang um lo in kyat ting 30 a coih ih Chin Relief-rehabilitation and Community Development Foundation khalin January thla cem hlan ih rulh sal dingin kyat ting 30 a coih ve.

“Falam himtheinakding hrang ih kan ṭulbikmi motor cu paisa cawi in leisung a si. Cumi rulnakding ah ramleng/ramsung um mi hnen ih dongzomi ahlu mallai a um zo. Nan, rulhnakding paisa tamzet kan tlasam lai ruangah kan hleh kam zet” tiah Covid – 19 Falam Volunteer ṭuanvonei mipakhat in FOM hnen ah asim.

Cuvek dinhmun a si ruangah Falam khuapi cun ramsung ramleng ih um a teefa pawl hnen ah bawmnak a lo dil a si. Himi hrang ih 100-200 na thawhmi khal hin ṭangkainak tampi a nei timi hngilhloten ……………..

Nasuahsemnak Falam khuapi hrang bawmnak na pe duh le Dr.Tluang Cung Thang 09773331145, Saya Pa Biak 09400305427 le Saya Timmy Htut: 09400305437 hnen ah pehtleihnak na nei thei ringring a si.

Leave a Reply

Your email address will not be published. Required fields are marked *