Mizoram NGO pakhat in Pu Dai Khan Lam an Hrem That

Mizoram khuate ṭhenkhat ah khuatlang pawlkom kut tuar ih nunnak liamtu an um thei zetih, July 1 khalah Kawlbem khuami Gindothanga fapa Pu Daikhanlama cu NGO pawlkom pakhat in an hrem that tiah theih a si.

Pu Daikhanlama thawi/hrem thattu NGO pawlkom cu Ngopa Rittheih Do Pawlkom an si tiah Kawlbem khua in official in ca an suah ih “neihsiah sumsaw thawn lei a theih lomi minung nunnak rori hivekih kan lak sakaw cu Kawlbem khuami in kan dem a si” tiah an tarlang cih.

Thu um dan cu …. July 1 ah Mizoram, Champhai district ih Ngopa khuahminpu NGO (Ngopa Rittheih Do Pawlkom) cun Kawlbem khuami Pi AwiNiangi kut ah Heroin No.4 hawng 2 an kai ngah.

Ngopa Rittheih Do Pawlkom tiawtu pawl cun Pi Awi Niang cu Ngopa lam ah hruai in a pasal Pu Daikhanlama hnen ah Rs. 40000 thawn tlan dingin thu an than.

Pu Daikhanlama cun neihsun sumsaw suah in Ngopa lam a va pan cu amah riangri an rak kai bet ih inn lam ah rittheih thilri nan kol lai ti`n hrem phah in thu phunphun an sut. Anetnak ahcun vuakvelhnak tuar thei nawn loin zaanlam thim hlan ah Pu Daikhanlama nunnak a cem.

July 2 lawngah zualko thlahmi hnen in Kawlbem khua pawl in Pu Daikhanlama thih thu an thei ih, thuhla felfai an thei veten Pu Daikhanlama an hremnak hmape zuk pawl tilang in Ngopa Rittheih Do Pawlkom dem nak ca an suah cih a si.

Mizo ṭong thawn ngan mi PRESS RELEASE na zoh duh le hinah hmet …. Special Report

Leave a Reply

Your email address will not be published. Required fields are marked *