Mizoram Lamziin Laih nakah Mi Luruh Tamzet Sar, Nauhak Luruh khal a tel

Mizoram, Tuidam le Kawrtethawveng karlak lamziin an lai nakah ah mithi ruh tamzet an hmu thu theih a si.

Tuisun, August 14, 2020 ah an hmu mi a siih Tuidam ihsin km 1 hrawng hlatnak lamzin laihnak ah an hmu ih Luruh 13 an phorhsuak a si.

Cuih Luruh pawl lakah nauhak Luruh pianhmang pakhat a telih culo pawl cu pitling Luruh ding a bang tiah a hmutu pawl cun an sim.

Luruh 13 lakah khabe ruh tel cih mi 4 a um ih ngal, kawng ruh bangdeuh pawl cu an tam deuh ruangah an siar hrih lo.

Hlanlai ralbuai lai ih an phum duak men mi maw, tuhlan ih hih khua kiangkap ih hmunkhuar dahtu ruh pawl maw an si ding tikhal theih a si lo.

Ruh pawl cu khuasung ah an lutpi in Kawrthah palik hnen ah an ap ih palik lam in zingzoinak an nei peh vivo tum ih a ṭuldan vekin hmalaknak an nei tum tiah Tuidam ih um Zothana in a sim.

Lawrkhawm

Leave a Reply

Your email address will not be published. Required fields are marked *