Mizoram ih Naam hriam tuar Chin raltlan thu ah kaphnih thu rel bang aw lo

Chin raltlan tamzet beunak Mizoram, Lunglei peng ah Matupi khawmi Salai Ram Cung naam sat a tuar ti`n thuthang a suak ih Mizo hmuan neitu mipakhat in a kut zung a sat bul leuleu ti`n ramsung media pawl ah tarlang a si.

July 11 ih thil thleng a si ih Lunglei peng, Thaizawl raltlan camp ih thil cang a si.

Thuthang suak pek ahcun “Salai Ram Cung in mi hmuan ah Rua a hau ih hmuan neitu thawn an tiaw thiam lo. Ram neitu in Lungto thawn a deng ih, Raltlan camp tiang thlunin Ram Cung nu kut a thlak. Amah Ram Cung khal naam thawn a sat ih a khamaw man ruangah a kut zungli a bul leuleu, napin hriam a tuar tiah thu a suak.

Hih thu hi Mizzima telin ramsung media ṭhenkhat ah Chin raltlan pawl rel mi thuthang theh darh a si ih, Khatlam pawl rel mi cu hmuh ding zianghman a um lo.

Nan, Mizo mipi in thu an thei sal ih, Thaizawl VC hnen ah thu an sut ciang tikah, VC rel sal mi cu hitin a an tarlang.

“Tuhlan khalah Thaizawl ram, Lunglei pa hmuan ah Rua sat an dil ih a siang hai ko. Nan, amah thei loin mipahnih in Rua an hau ih a kawk hai cu amah riangri an hro. Naam thawn sat tum vek in an um ruangah hmuan neitu riangri thinphang in a tlan ciamco.”

“Thaizawl VC hnen ah thu um dan sim in raltlan camp an pan tikah an va hmu lohli. Thinsa lai thawn, hipahi a si ti`n aw ka hro thawn kut a khih cu raltlanpa in a rak zon cih ih a naam kengmi a lak sak tum. Cutin an talbuai lai ah a hliam aw mi a si. Naam thawn an sat aw lo ih a nu kut a thlak tivek thu khal zianghman a um lo. Kut thlak hmasatu sawn cu Burma raltlanpa sawn a si. Siizung tiang an thleng ih, raltlan lam in ngaidam an dil ruangah thuhla a dai sal zo…..”

Leave a Reply

Your email address will not be published. Required fields are marked *