Mizoram ah Riit Sii phurtu Falam mi an kai

Falam peng mi, Nu Duh Lawng Thluai, kum 36, tiih tarlangmi riit sii phur mipakhat cu tuni July 15 ah Mizo palik pawl in an kai a si.

Champhai District, Dungtlang palik in an kai ih, riit sii a phur mi hi bingrang grams 174.93 si in, International market ah US $ ting 1 man hrawng siding ah zum a si.

A khua hmin tarlang tel lomi Nu Duh Lawng Thluai cu a kut ih riit sii an kaih mi thawn Champhai palik kut ah a um ih, a thuhla zirzoi vivo an tum ti`n thuthang kan thei.

Kan rampi a buai hnu, Mizoram ih beutu Myanmar raltlan kut ihsin riit sii an kai mi a tam zo ih Mizo khawtlang mipi an beidong zet thlang.

Siarbet : Mizoram ah Mi inn bohtu Chin raltlan an kai

Mizoram, Aizawl peng, Sihhmui khua ih khawsa Kawlram raltlan Gabriel Muana, kum 25, cu mi inn boh in thil a fir tum tiah puh a si ih Mizo palik in an kai.

Amah hi Aizawl khawleng, Sihhmui raltlan camp ih khawsa si in tarlang a si ih, a pa hmin cu Hlahbu a si tiah Mizoram palik in official in thu an suah. Myanmar raltlan tilawngin tarlang a si ih khawi khua a si ti cu an tarlang tel lo.

July 11 zaanṭim ah Sihhmui khua ih inn pakhat ah lut tum in an inn sangkapi tawh a boh ti`n thusuahmi ah an ngan tel.

Ziangtin an kai ngah, report awknak a um le um lo tivek cu palik lam in thu felfai an suah hrih lo ih a thuhla zirzoi pehzom vivo an tum a si.

Aizawl ih Chin raltlan upa pakhat cun “Riit sii le thil ṭha lo an kai mi an um hnihthum zo bet ah, atu ah hivek buainak a um lala cu inn teek pawl hmasong an um zet. Kan hmakhua a pit ding phan a um zet” tiah a ti.

Kan rampi a buai hnu ah Kawlram raltlan tamzet cu Mizoram ah beunak hawlin an khawsa ih, zangfah lainatnak thawn in khual ṭhatu innteek mitkem dingin hivek duhumlo buainak a suak cu Kawlrammi mah le mah lamzin kan phitaw.

Leave a Reply

Your email address will not be published. Required fields are marked *