Mizo palik in Gas bur firtu Falam mi an kai

July 26 ah Mizoram, Mamit, Chhimveng, mawṭaw cycle par ih ret mi Gas bur a hlo ih zirzoinak an nei hnu ah a fir tu an kai ih Gas bur khal an ngah sal.

Kaih ngah ni cu tarlang a si lo ih Mizoram palik thusuah dan ah Gas bur fir tu hi atufang Mamit Field veng ih um Falam peng mi, Lallianmawia, kum 25, a si tiah tarlang a si.

A pa hmin Manuna tiih Mizo palik tarlangmi Lallianmawia hi raltlan maw a si? Falam peng khawi khua mi a si tivek cu cipciar in an tarlang tel lo ih, mit ṭhep kaar ah thil fir hmang an cangvai thei ruangah fimkhur dingin Mizo palik in khawmi pawl ralrin an pe cih.

July 15 khalah Nu Duh Lawng Thluai, Falam peng mi cu Champhai District, Dungtlang ah bingrang grams 174.93 thawn Mizo palik pawl in an kai zo.

Hivekin mi khua mi ram ah Falam peng mi hminsia zetin kaih an si mi par ah tualsungum nu le pa pawl in poi an ti zet a si.

Leave a Reply

Your email address will not be published. Required fields are marked *