Mizaan le Tuni ih ralhraang donak CNDF Thusuah

Kalay peng, Chin ramri ah ralhraang ralkap dotu Vakok – CNDF cun July 11 le 12 ni ih ralhraang donak thu pawl an suah ih, CNDF lam in mipakhat in ram le miphun hrang nunnak a hlan thu, an tarlang.

Ram le Miphun hrang nunnak hlantu Salai Biaka

Ralhraang ralkap hi thazaang 120 hrawng an si ih, July 11 ah KhuaiKha Tlangpar ihsin Hakhalay khua an lut fang ah VAKOK-CNDF le mipi ralkap pawl thawn an kapaw thok.

Sun nazi 12 hrawngah kahawknak a thok ih CNDF ralkap pakhat thi in, an ṭanpi RKDF ralkap pakhat hrim napi a pu tiah tarlang a si.

Ralhraang ralkap lam khalah thi le hirm tuar an um nan thuhla cipciar theihfel a si hrih lo ih, ralhraang ralkap pawl cu Hakhalay phungkitlawng ah zaankhat an riak.

July 12 zinglam ah Hakhalay saklam Sitha khua lam an pan ih mipi ralkap pawl in an fehnak an thlingthla vivo.

Sitha khua Tlanghram hrawng an thlen ah mipi ralkap ṭangrual pawl thawn an kap aw ih ralhraang lam ah thi le hriam tuar an um nan a cekci theih a si lo.

Mipi ralkap lam cu hriam tuar le khawngaw umloten dung an siip thei saal thu, VAKOK-CNDF in tuni July 12 ah thu a suah a si.

Leave a Reply

Your email address will not be published. Required fields are marked *