Missionary Tv. Rintluanga, Ti sung ah Tla That

Changlang District, Arunachal ih rawngbawltu missionary Tv. Rintluanga Molshoy cu hna a ṭuannak Lungka khua ah a nunnak a cem thu theih a si.

Amah cu Mamit District, Bawngva khua mi a siih August 2, 2020 ah a rualpi pawl thawn ngakai dingin an feh nakah tidai sungah a tla.

Tv. Rintluanga Molshoy

A rualpi le khua mi pawl in nasaten an hawl hnu, August 5, 2020 zaan lam ah a tlaknak hmun ihsin km 3 luan hrawng ah thi cia in a ruak an hmu a si.

Tv. Rintluanga (kum 27) cu Adventist Youth Missionary Movement tang ih missionary a siih, a term cem hnu ah rawngbawl peh bet dingin pumpeawtu a si.

A ruang cu a suah nak khua Mizoram lam ah an tlunpi tum nan a taksa siat tuk zo ruangah an tlun thei loih, August 6, post-mortem an tuah hnu ah rawng a bawl nak khua ah an vui tum a si.

ref:MAT

Leave a Reply

Your email address will not be published. Required fields are marked *