Minung 5 in, in ra Hringhro ciamco lala – Pi Tin Cuai

October 23 ni ah “CNLD na vote lo le that na si ding” ti`n Matupi CNLD vice chairman ဦးလောင်ဟွန်း in, in hringhro ciamco tiih rel tu Pi Tin Cuai cun CNLD palai minung 5 in, in hringhro lala ti`n a rel ih a hmuhton mi si vek ih a rel mi cu Video an zuk ih NLD CAMPAIGN COMMITTEE MATUPI TOWNSHIP Facebook cahmai ah an thlah a si.

Video sung ahcun “minung panga ka inn ah an ra ih in hringhro ciamco lala. Hmaisa sawn ih in ra hringhro tu cu U Thang Leng, U Kal Vang le UkkahṬhah U Pa Kham pawl an tel ih voihnihnak cu U Rin Thawn le U Ha Man tla an tel”

“Ka hmu hai veten ဦးလောင်ဟွန်း nih a thlah hai siding ti`n ka thinlung ten ka ruat. Hmuan ihsin ka tlunglam ah ဦးလောင်ဟွန်း cu Lin Pa te inn ah ka hei hmu ih himi thuhla ruangah an ra mi a si timi ka thei suak.”

“Kei cu nuhmei te ka si ih ṭanpitu khal ka nei lo ruangah in hringhro mi cu ka ṭih zet. Ka duh lo cingin inn dang ah feh dingin in sawm ih ka el hai nan ‘rat lo a theih lo’ in ti.”

“Ka va thlun hai cu in hringhro ciamco ih ဦးလောင်ဟွန်း in ‘tayakhan ka si’ ti`n sim aw in ti. Ngaithiam in dil ding ah ka ruat nan in rak hringhro ciamco sawn. Nuhmei ka si ruangah an duhduh in, in hmuhsuam ih ka ṭih hai zet.”

“Kan fehnak hmun ahcun an mah lala an el aw ciam co ih UkkahṬhah pa cun ‘hih hmun ih ka ra telve hi ka ti sual. Thil cang ding hrimhrim khal a si lo ih nan sim mi pawl hi ka hrang ah a ṭha lo. Curuangah ṭhaten ruat sal uh la a Ni ṭhawn sal uh’ a ti hai. Asinan, an mah pawl cun Ni ṭhawn an duh lo ih UkkahṬhah pa cun a tlung san hai” ti`n Pi Tin Cuai cun camera hmai ah a ṭong a si.

Hih video cu October 30, zinglam nazi 8 hrawng ah Facebook cahmai ih thlah mi a siih share sawngtu 76 an um a si.

Leave a Reply

Your email address will not be published. Required fields are marked *