Mindat peng Doawknak ah SAC ralhraang 25 hrawng thi

November 4 ih Mindat peng hmun 2 doawknak ah SAC ralhraang 25 hrawng an thi ih hriamtuar tamzet an um tiah CDF-Mindat in thu an suah.

November 4 zianglam nazi 8 luan hrawngah Mindat-Matupi ziinpi peng 6 ban luan ah SAC ralhraang thawn an kapaw ih CDF-MINDAT bomb kammi in ralhraang 5 a puah that.

Boruak fiangfai sehla cu cuhnakin mi thi an tam ding. Mero suumzing a pit deuh ruangah a tikcu lo ah bomb kan ti puak pang tiah thusuahmi ah an ngan tel.

Cuihtlunah Mindat-Matupi ziinpi peng 34 ih ralhraang mawṭaw dunghmai kaphnih ih an kap nakah mithi 20 hrawng an um tiah theih a si.

“Ralhraang mawṭaw tlar dungtabik kan kap laiah thinphang in mawṭaw an mawng ih mawṭaw phen ih relhtu ralkap pawl an lang thluh. Khamphentu umloin duhsakten kan kap thei ruangah mithi an tam” tiah CDF-MINDAT ṭuanvonei mipakhat in a rel.

Atufang thlanglam Laitlang boruak a sosang zetih nitin deuh thaw in kapawknak a suak tiah kan thei.

Leave a Reply

Your email address will not be published. Required fields are marked *