Mindat Doawknak ah kum 18 mi tlangvalno in ram le miphun hrangah nunnak hlan

Thlanglam laitlang, Mindat peng ah SAC ralhraang le CDF – Mindat cu nasaten an doaw pehzom ih May 8 kahdonak ah CDF lam in Salai Ling Yaw Om in ram le miphun hrangah a nunnak a hlan tiah theih a si.

May 8, zinglam ah Mindat thawn peng 10 hrawng hlat nakah hmun 2 rorin SAC ralhraang le CDF – Mindat an kapaw ih, cumi ah Salai Ling Yaw Om cun ram le miphun hrang a nunnak a hlan a si.

“Hmun 2 rori`n kan kapaw ih SAC ralhraang cun meithaltum thawn nasa zetin in kap. Sun hlan doawknak ah kan unau Salai Ling Yaw Om kan sung. Ram le miphun hrangah a nunnak a hlan” tiah CDF hruaitu mipakhat in a rel.

Mindat peng ih SAC ralhraang le CDF – Mindat doawknak cu April thla cem lam in an ṭan thok ih kahdonak ah ralhraang 200 lenglo an thi tiah theih a si.

Mipi humtu ralkapbu lam khalin ram le miphun hrang nunnak hlantu 22 an um tiah theih a siih May 8 ih nunnak cantu Salai Ling Yaw Om cu kum 18 mi a si ih kan dung kum ah phun 10 a ong pek fang a si.

Leave a Reply

Your email address will not be published. Required fields are marked *