Mindat dinhmun ṭhalo, Dung le Hmai in Ralkap le Palik ih kulh tuar

May 12 lam ih SAC ralkap le CDF Mindat doawknak cu tuini May 14 khalah an nei pehzom ih zinglam nazi 10 hrawngah SAC ralkap mawṭaw 6 urkang a si thu CDF Mindat in thu an suah.

Nan, Zaanlam hnu ah CDF Mindat lam dinhmun ṭhalo zetin theih a siih palik le ralkap in dung hmai rori`h kulh an tuar tiah thuthang a suak.

“Nisuahnak lam ah Palik sakhaan, Nitlaknak lam ah SAC ralkap no. 274 ti`n dung le hmai rori`n kulh an tuar tikah an cangvai ṭhiṭha thei lo.”

“SAC ralkap lam in Sniper le meithal tum hmangin an kap hai ruangah hlimhma tuar pawl khal tuamhlawmaw man caan a um lo hlei ah mipi nunnak hrang tiang ṭihnung dinhmun a si zo” tiah Mindat mipi ukhruainak lam ih ca suahmi cu ramsung media ṭhenkhat in an tarlang.

A khaatkhaat in SAC ralkap le CDF Mindat nithum sung doawknakah mipi lam in nunnak liam pakhat nemhnget a si zo ih hliamhma tuar ziangzat an um timi le besia luar an um maw tivek cu theih fiang a si hrih lo.

zuk : a liam zo mi tikcucaan ta a si….

Leave a Reply

Your email address will not be published. Required fields are marked *