Mihuaisen Salai Cung Nawl Piang ih ruak inn lam thleng thei hrih lo

SAC ralhraang kut tuar ih nunnak liam Paralṭha Salai Cung Nawl Piang ih ruak cu a sungte hnen ah a thleng thei hrih lo tiah theih a si.

Amah cu Pu Tha Rain Mang le Pi Saw Kip Thaim tei` fapa a siih nunnak thaap in ram le miphun hrangah ralhraang do dingin CNDF ih a lut hnu SAC ralhraang thawn an doawk lai ah huaisen zetin a nunnak a liam hi a si.

May 21 ih SAC ralhraang le CNDF doawknak ah ralhraang bawi pakhat telin SAC lam ah miparuk an thi tiah theih a si ih CNDF lam in Salai Cung Nawl Piang nunnak a liam ve.

Paralṭha Salai Cung nawl Piang thih thu cun Chinram a ti hnin ih suunnak catar le upatpeknak cangan cu Chin online khawvel ah a khat thluh a si.

Chin National Defense Force khalin ram le miphun hrangah huaisen zetih nunnak a pe liam mi cu theihpi in upat peknak le Suunnak ca official in an suah a si.

Leave a Reply

Your email address will not be published. Required fields are marked *