Mihuaisen pawl umnak Kalaymyo, Tahan – Rev. Dr. Biak Lian Thang

Santhar meithal ṭhaṭha hman ṭihloin Laimeithal thawn na rak do ngam. Leilung tlunah mi huaisenbik na si.

Na thisen ih na nganmi na thuanthu cu hngilhti a um nawnlo ding.

Na ram le na miphun hrangah nunnak na thaap ruangah, nikhat ni ah (Ral kan neh tikah) na zaunak na thlanmual ah rose pangpar sen kengin upatnak kan rak lo pek lai ding.

Na ninghangnak na mithli kha for lo dingin sup ṭento hrih awla, hi suamhmang pawl kan neh tikah lungawinak mitthli thawn komin kan ṭap tlang leh ding.

Kan lo uar ih kan lo suang, kan miphun humtu, ram duhdawttu, suakthuan hrangah nan thisen in lamzin sial saktu na si.

Na hnenah kan um theilo nan, kan thinlung a zaten nan hnenah a si. Kan Cung Pathian khalin a zoh liam men lo ding ruangah a rei hlanah kan neh tengteng ding.

#Be strong and stay safe, Kalaymyo – Tahan.

(cangantu – CBANA Chairman Rev. Dr. Biak Lian Thang)

Leave a Reply

Your email address will not be published. Required fields are marked *