CDF – Hakha : Surkhua ih SAC ralkap Sakhaan lak suak dan thuhla cipciar

SAC ralkap/palik 15 hrawng umnak Sur khua Sakhaan cu meithal zuunkhat hman puah ṭul loin CDF – Hakha in a la suak thei …

Hakha thawn peng 50 hrawng hlat nak Sur khua ih SAC ralkap/palik Sakhaan cu May 8 zingthlapit ah CDF – Hakha in an la suak tiah theih a si.

Meithal hmetpuak ṭul loin olsamten an la suak ih Sakhaan ih um ralkap/palik 15 cu an tlan hlo thluh tiah a hmun ih telvetu mipakhat in a sim.

Amahcun “Kan thlen veten an tlanhlo thluh. Meithal kappuak ṭul loin ralkap Sakhaan kan la suak thei. Sakhaan ih um palik/ralkap 15 hnak ih mallo cun kan thuhla an rak thei cia ruangah ṭihkhur in an tlan hlo thluh” a ti.

SAC ralkap/palik umhmun khuar thei nawnlo dingin Sakhaan an urkang thluh thu CDF in a phaung.

CDF – Hakha ih ṭuanvonei mipakhat cun “kan duh ahcun Sakhaan olsamten kan lak thei timi theiter in ralrin peknak ah kan hmang. Kan dilngenmi an cohlang lo cun cangvaihnak kan nei pehzom vivo ding” a ti.

SAC ralkap in rampi ukhruai thuneihnak an la hnu February 1 ihsin tuini tiangah Hakha ah kaihkhih tuar mipum 60 an kim zik thlang.

Cupawl thlah zalen dingin CDF – Hakha in SAC ralkap hnen ah theihternak a nei nan ralkap lam in ziang siar loin hnaset an tun ruangah May 2 in Hakha khuapi ah kahdonak a suak thok.

May 2 ihsin tuini tiangah SAC ralkap lamṭang minung 10 hrawng kahthat an si zo tiah CDF headquarter in a phuang. (Myanmar Now)

zuk : Van Kio museum, Surkhua, Chin State

Leave a Reply

Your email address will not be published. Required fields are marked *