March 8 ih Kaihkhih tuar Falam pa cu tu tiangah a um nak theih a si lo

Falam peng, Zo Dihai khuami Salai Za Ting Luai cu March 8 zaanlam nazi 5 ih kaihkhih a si hnu in March 9, tuizaan nazi 10 tiangah an ret nak hmun theih a si lo.

Yangon ah innsang neiin nupi fanau thawn khawsa an si ih a pizon thawn Kalaymyo lam tlungso tum in mawṭaw an hngak lai ah “duhphorhnak ih hotu” tiah puh in palik pawl in an kai mi a si.

Salai Za Ting Luai kaihkhih tuar thuthawn pehparin thuhla theiciangtu mipakhat cun “amah hi Falam peng, Zo Dihai khua ih Pa Vai Lian Sawn ih fapa pahnihnak a si. Yangon in Tahan tlungso ding an siih mawṭaw an hngak lai ah palik pawl in Sandahpiah hotu tiah sual mawhpuh in an kai” a ti.

An kai lai ah ralkap kutthlak tuar in thi a luak tiah theih a si ih an hruai hnu ah a sungkhat unau in an tong thei hrih lo.

Tukhalah a umnak theih a si lo ih a thuhla ngaihventu a sungte pawl cun “Tuizing khuavang veten insein thawng inn ah sihnii(CDM) thawn thuhla kan zingzawi, annih in Shwephyothar army sakhan ah kan ret an ti, cuihnu kan va feh cun Dagon police station ah in ti lala, kan va feh cu a rak si cuanglo. Cun, Insein police station ah si men thei in ti ih kan feh cu a rak si cuanglo. Insein Army camp khal ngaih ven asi ih tuizaan tiangah thufel theih kan nei hrih lo” tiah an sim. (Chin milar pawl thuhla / suhtonnak)

Leave a Reply

Your email address will not be published. Required fields are marked *