Mandalay ih Mihlo Pa Lal Thawm Lian hmusaal a si zo

An enkolnak Mandalay siizung ihsin a hlotu, Falam, Pathangkhan tangtazin ih um Pa Lal Thawm Lian (kum 38) cu nung dam in an hmusuak zo thu theih a si.

Pa Thawm cu bahkhawnnak ruangah a Lu, a Ke a khawngaw hlei ah a khel ruh a pelh ruangah Mandalay siizung ah an tuamhlawm.

A lu na deuh in a khawng ruangah mumal neiloin a um ih, August 7, 2020 zaanlam nazi 3 hrawng ah a kiltu pawl theilo sungah a tlan hlo.

Ahlo thok ihsin tu ni tiang a sungkhat unau le Mandalay ih um Chin mi pawl in catbang loin an hawl nan an hmu theilo.

Asinan, vanṭhatthlak takin tui` ni ah Kalay Myo Bus colhnak ah mi pakhat in a rak hmu ih a sung le pawl a sim thei lohli ih tu ahcun himdam ten a sungkhat thawn an tongaw zo a si.

Leave a Reply

Your email address will not be published. Required fields are marked *