Malaysia ih Mithi cu Falam ah Ruakvui siang

Malaysia ah December 23 ni ih awkaw that Salai Van Kim Lian (kum 32) ih ruak cu a sungte pawl ih dilnak vekin Falam khua um cozah ṭuanvonei le Khuasung ih hruaitu ṭhenkhat cun Zalai veng ah a ruak tlun an siang a si.

Khuasung um ṭuanvonei mipakhat cun “a cangthei ahcun a ruak thlen le veten thlanmual ah khawmnak te tuah in phum cih thei duh a um nan kan Lai Daan ah mai luangpi tang ih ruak ret kha an duh ruangah an mah lam hrang tla ruat in, a him theibik dingin an thlun dingmi Daan pawl kan tuah.”

“Thlun dingmi le theihṭulmi Daan cu…..
1. Mithi ruak le a thluntu pawl kha PCR (Polymerase Chain Reaction) test timi Covid 19 nat check nak thawn zohfel hnu ah ra tlung ding

2. PCR test lo in an ra sile Q lut ter ding.

3. Mithi ruak a thleng veten a rang theitawkin khawmnak tuah lohli dingih phum cih ding.

4. Yangon ihsin an phur ding ruangah a ruak phurnak mawṭaw kha Vaar tiang lawng ra in Falam Volunteers mawṭaw le cakkhai mawṭaw pawl in va hmuak ding.

5. Hmuaktu Volunteers pawl cu Harhdamnak zung in PPE thuam pek ding … tipawl an si” tiah Chinland Herald DAILY News hnen ah a sim.

Mithi thu thawn pehparin a thitui` sungte pawl cun an fahniang Salai Van Kim Lian ruak cu Malaysia in a suahsemnak khua ah tlun` dingin Falam, General Administration Department zung ah December 24 ah dilnak ca an thunlut.

Cuih dilnak ca thawn pehparin GAD zung ṭuanvoneitu, Falam Khua nu/pa, Harhdam zung, Palik zung, Meithat zung le Covid 19 Falam Volunteer ṭuanvonei pawl hmuhton thurelnak an nei hnu ah mitamsawn ih lungkimnak thawn Salai Van Kim Lian ruak cu Covid daan thlun in Falam, Zalai veng ah an tlun siang a si.

Leave a Reply

Your email address will not be published. Required fields are marked *