Mah thazang le Sumsaw thawn Falam, Dawnhlun ah Lamziin an Phah

Dawrhlun tangtaveng umtu pawl cun an mai thazang le sumpai suahin lamziin remnak an nei thu theih a si.

Balai veng saatiat hlun tanglam ih municiple quater saklam le keziin cu kethum nei motor feh thei dingin tlanghna an ṭuan a si.

Lamziin remnak ih hotu Dr. Run Bik cun “himi lamziin pawl hi cozah lam tuahṭhat kan hngak ahcun a rei vivo ding ruangah kan mah thazang le sumsaw suahin tuah ko uh si tiin venghnen innsang pawl kan sawmawk ih sumpai thawh khawmaw le thazang burkhawmnak thawn Dawrhlun tangtaveng um pawl kan ṭuan khawm a si.”

June 28 ah tlanghna ṭuan in mipum 50 lenglo an pokkhawm ih pi 150 sau in lamziin an phah thluh.

Cutiih lamziin phah thei dingin Commitee khal felfaiten dinsuak a siih cuih commitee hohanak in vengsung umtu pawl zate ih ṭuankhawmnak thawn hnaṭuan an thok a si.

Atui lamziin phah mi an ṭheh tikah suksofeh remcan lonak a kiangkap pawl khal kethum nei motor lutthluh theiin phalong 3 tluk lai ṭuan dingah beiseinak an nei tiah ṭuanvonei mipakhat in a sim.

Amahcun World Vision le municiple pawl ih bomnak ngahthei an beisei ih vengsung sukso fehnak remcang thluh dingah ṭuanvo an lak duh thu a sim a si.

CH daily News
zuk : Pu Run Bik

Leave a Reply

Your email address will not be published. Required fields are marked *