Falam : Lungpi Q hmun ih umtu mipum 800 kim zik thlang

Covid – 19 Falam Committee in khuasung ah Covid 19 nat karhzailo dingin nat nei thei dinhmun a si mi ramleng, ramsung hmun dangdang ihsi ra tlung pawl cu Lungpi ciinthlak tlawng ah cozah lam ih nikhiah zet sung a zohkhen ih Lungpi ciinthlak tlawng Quarantine a si thokin tuini tiang ah mipum 800 zik an zohkhen zo a si.

Ramleng ihsi ra tlung mi mipum 467 (India ram lam ih tlung an tam), ramsung hmun dangdang ihsi ra tlungmi mipum 316, zatekom mipum 783 cu Lungpi Quarantine Facilities ah an rak zohkhen a si.

Atufang, Falam Siizungpi ah November thlasung ih hmuhsuahmi positive mina 2 zohkhen rero lai an siih an damcak ahcun tuithla sungah Siizung in suak thei dinhmun an si tiah theih a si.

Mipum 18 cu Falam khuasung ah Home Quarantine in an zohkhen rero lai ih Falam peng Rih Q hmun khalah mipum 7 an zohkhen rero ti`n Chinland Herald daily news in a ngan a si.

Leave a Reply

Your email address will not be published. Required fields are marked *