Lungpi Q hmun ih um mipakhat in Covid 19 nat a nei +Tufang Falam dinhmun

Falam, Lungpi Quarantine center ih khum mi mipakhat in Covid 19 nat a nei…

Amah hi November 19 ih hmuhsuah mi Covid 19 mina thawn hnuaihnih awnak nei mi a siih November 19 ah Lungpi Quarantine ih khum mi a si.

Kan dung November 19 ah amah le arualpa cun Kalay ihsin Surbung Golf thawinak tual hrang ih Miraang leilung, tlakrawh phur in Falam an pan ih khuasung luhnakding Sun Ceu Khan luan ah Covid 19 nat nei le neilo checknak an nei.

Cuih ni ah a rualpa motor mawngtupai` taksa par ah Covid 19 nathrik hmuhsuah a si ruangah mina cu Siizung lam ah tuamhlawm lohli dingin an kuat cih.

Anih khal Covid 19 nat nei a rualpa thawn hnuaihnihawknak nei mi a si ruangah Lungpi Quarantine hmun ah zoh ciang hrih dingih khum mi a si.

Hih thuthawn pehpar in Falam tualsungum mino pakhat cun “November 19 ah motor pahnih thawn Surbung Golf thawinak tual hrang ih thilṭul phur in Falam ah an hung so. Falam Sun Ceu Khan luan ih Harhdamnak Check gate ah nat test nak an rak nei ih motor pakhat sawn mawngtu taksa par ah Covid 19 nat an hmu”

“Mina cu Siizung lam ah an kuat cih ih a rualpa sawn cu a positive lo ruangah zohciang hrih dingin Lungpi Quarantine center ah an kuat.”

“Tuini November 26 ah nat test nak an nei sal tikah a rak positive ve ih ṭuanvoneitu pawl in tuamhlawm lohli dingin Siizung lam ah an kuat ti`n kan thei” a ti.

Tui` Covid 19 mina thar tel in November thla sung ah Falam ah Covid 19 mina 5 hmuhsuah a siih mipakhat cun November 23 ah rampi Harhdamzung theihpinak thawn Siizungpi a suah san zo. Curuangah atufang Falam Siizungpi ah Covid 19 mina 4 an um a si.

Leave a Reply

Your email address will not be published. Required fields are marked *