Lungpi feh ṭul lo in Falam ah Hotel Quarantine a ngah thlang ding

Lungpi Facility Quarantine ih um remcang lo pawl hrangah Falam khuasung rori ah Hotel Quarantine ong tum in tawlrelnak an nei tiah theih a si.

Falam, MCH le phungki tlawng karlak ih ummi “Mang Inn” hotel ah ṭulsammi timtuahnak an nei rero lai ih February thla sung ah an ong thok thei tum a si.

Hih thu thawn pehparin Falam Volunteers hotu Salai Timmy cun “Atu fang hi hotel lam in Wifi tivek le a ṭulmi pawl an tuah rero laifang si. Hotel Quarantine timi cu Lungpi Quarantine vek thotho a si. Asinan a umtu nih a mahten Hotel man a kuan ding. Lungpi ah va um peih lole Hotel ah um thei tinak si ko. Asinan rawl man khal an mah te`n an tawlrel ding” a ti.

Hotel Quarantine ong an tumnak san cu Yangon lam ihsin Falam tlung duh nan Lungpi ih mi zapi hnen ah Q lut ding harsatu pawl an um ruangah tawlrelmi a si tiah theih a si ih hotel um man cu namhngetnak a um hrih lo.

“Mang Inn” hotel cu Rev. Hrang Kap Hnin ih faale pawl in an sak tharmi a siih hotel sungah inn sungsang umnak, mi pahnih umnak le mah lawng umnak ti`n khaan phun thum a um a si. (Chinland Herald Daily News)

zuk : Saya Thawng Bik

Leave a Reply

Your email address will not be published. Required fields are marked *