Lung khuai ih pumcawmaw Innsangnu cu hnaṭuan nakah Lungto in a nen that

Delhi lam ih Chinmi sumdawng pawl zawh ṭheumi Mizoram, Bairabi ziin ihsin Mamit lam ih electric lak tumnak hmunram an sial laiah cangsualnak a suak ih mipakhat a thi.

Mamit, P & E Department ṭuanvonei hohanak in electric ban phun nak ding hrang Leilung an lai laiah Lungtum an ti ril pang ih thlanglam ih hna rak ṭuan Pi Sawmi (kum 35) a nen that.

Mamit, Hmar veng ih um Pi Sawmi cu Lungkhuai kuli hlawh ih pumcawmaw a si ih, tuisun, April 30, zaanlam nazi 1 luan hrawngih Lung khuai ding a lak lai fang ah vansiat tongmi a si.

Cangsuallai hmutu mipakhat cun “Bairabi le Mamit karlak ih 132kv thacak electric laknakding hrang bankhur an lai rero lai fang ah a si ih JCB motor in lung a ti ril pang mi cun Pi Sawmi lu ah a khawng ngah. Lungto tum nawn a si tikah a khawng dan a besia tukih a hmun rori ah a thi cih. A aw-an khal kan thei man lo” a ti.

Pi Sawmi cun innsangpa le fanau 3 a tanta ih, Mamit Siizungpi ah a ruak postmortem tuah a si hnu ah Covid boruak a si vekin a zaanzaan in a ruak an vui liam cih a si.
(LawrKhawm)

Leave a Reply

Your email address will not be published. Required fields are marked *