Leitlun kiilkip ih um Chinmi in Falam Siatton tuarpinak lang ter

Zohman ih ruahbanlo vanduainak cu 2021, January 12 ah Falam khua laili takah a suak ih mipahnih nunnak liam in inn 6 a kangral.

Falam siattong thu thawn pehpar in Leitlun kiilkip ih um Chinmi pawl cun ṭongdang hnamdang hmanseh, Chinmi ah pumkhat kan si zia le lungputpi neitu Chin miphun kan si zia lang terin Falam siattongmi par ah an tuarpinak pawl an langter a si.

Awkam thapeknak in siseh, bulpak-pawlkom Facebook cahmai ah siseh, sumsaw bomnak zawng khalin siseh tuarpinak an langter cio a si.

Falam siatton tuarpinak thawn pehpar in Facebook cahmai ih tarlangmi Pawlkom ṭhenkhat ih hmalaknak neimi kan hmu thei sun kan run tarlang ………

Global Chin (Falam) Organization
FALAM INN KAANG TUARPI NAK:
12.1.2021 zing Falam innkang ah siattuar le thilzate hlohtu innsang zate, ahleice in intansantu Pi Mang Hlei Zing (GCO OB Pu Nilian le Pu Piang Lilian tei’ Uu) afa le unau sungkhat zate tlun ah GCO in kan riahsiatpi ngaingai asi.

SAWMNAK: Hmun tin um Ramṭhen pawlkom zaten kan umnak ramṭhen cio ah tuiṭum Falam ih harsat mangbang tuarpawl hrang bomnak ding hrangah ramdang i kanti thei sun cu sumpai thawhkhawm asi. Curuangah nan umnak pawlkom cio in sumpai thawhkhawm in bomnak rak khawm cio hram dingah kanlo sawm.

GCO in ahmun i cozah le intek pawlkom pawl tla thawn reltlang in ziangvek in bomnak pek asi ding ti aṭul dan in kanlo than vivo ding.

IMMEDIATE BOMNAK: Innkang tuarpawl umsungnak an țul asi le Chanmary i YCC innpi ah room thianfai rero asi zo ih aṭul asi khal le Balai i Mang Inn (Pu Thawm Mang tei inn thar) ah umsung thei dingin cozah le țuanvo neitu hotu khal simcia a si.

Cuvek thotho in lohli ih bom țul tete pawl khal Falam ih hotu le inntek pawl tla thawn ron aw in GCO in theih tawp suah in bawm a zuam vivo ding.
MANGBANG VANSAN CAAN AH, BAWM AW VIALVO UHSI !!

1. Falam innkaang harsa tuar pawl hrangah Sykyi Dar Ro Thang in faang le siti bomnak a pe ding.

2. Benjamin Sum khalin John Lal Sum Lian ih phuahmi hla thar cu thaizaan ah amai’ page ihsin harsa tuar pawl hnemnak le mipi hnen bawm cio dingin a sawm ding.

3. Kalaymyo ih Falam Tha car gate khal in innkaang harsa pawl hrang ahlu thilri pawl cu phurhthiar man laak loin a lak rorin Kalay-Falam an kuat sak ding.

4. Kalaymyo ih Chui-yint restaurant pawl in innkaang harsa tuar pawl hrang faang, Siti le Arti pawl an hlu ih Falam Tha mawṭaw in a lak in Kalay-Falam tiang an phur sak rero laifang a si.

Meisa Kaang Bomnak: (Jan 12, 2021)
1. Falam RC kawhhran – Ting 30
2. Cheery Land Restaurant – Ting 6

Falam meisa kaang thu thawn pehpar in bomnak a pe duhtu pohpoh hrangah GCO ah sumbur khawmnak hmun khat theih a si.
Sumpai kuatnak ding:
Thian Uk Thang – 4/phalana-N-030000
09-427731293
Falam Kanbawza Bank
* Sumpai kuat tikah kuattu, kuat zat pawl simtheih cih dingah kan lo sawm.
FB: Kabia saya
Email: nhgepi@gmail.com

Falam Mino PawlKom
January 12, 2021
Falam khawpi ih meisa kaang thu thawn pehpar awin siat atongtu innsang pawl hrangah ramsung/leng ihsin sumpai thawn bomnak ape duhtu le thilri khalih țanpi aduhtu pohpoh hrangah FMP khalin thawhkhawm pekhlan theinak kan nei ve asi.
Hnatuan lam le thildang tul poimawh khalah Falam Mino Pawlkom hi zozo cio ih pehtlaih theih a siih, kan thazaang le caan nan hrangah thap ding khalin kan tiar aw cia ringring fawn asi.
pehtlaihnak;
#Atang lamih tarlangmi pehtlaihnak ah bomnak sumpai pekhlan theih asi.
#Sumpai thawhkhawmnak ding: Salai Biak Lian Sang
Phone: 09 40030 5427 Fb: Salai PaBiak
Salai Lal Tan Pui
Phone: 09 265 941 424
Fb: Maa Puia
Mai Fibi Ni Nuam Thluai
Phone: 09 257 438 944
Fb: Fibi Thluai

Falam Meisa Kaang Siatton hrang Bomnak
—————————————
Falam Myone, Construction zungih hnațuan
U Khin Kap Lang (SAE) te innsang in MMK 800,000-/ le U Myo Htun Aung (SAE) in MMK 500,000-/ FMP hnenah pekhlannak an nei a si. Cuih pekhlanmi sumpai cu lungawi ten FMP țuanvonei in January 13, 2021 (Nithum zing) ah cohlaangnak kan nei ih, siat a tongtu innsang, bulpak hnenah a rang thei bik in pekhlan sawngnak khal kan nei cih ding. Sumpai bomnak a petu innsang hnih tlunah a thar in thlawsuah pawngmal um hram seh tile FMP hmin khalin lungawithu kan sim timi tarlang kan duh…

Meisa kaang ruangih siatral a tongtu pawl hrangah bomnak pek a duhtu pohpoh in FMP hnen khalah pek a theih ringring…

Central Chin Pawlpi, Kalaymyo
Siat Tong Tuarpinak
1. January 12, 2021, Falam khawpi ih meisa kaang ruangah Pastor Mang Hlei Zing le a umpi Nu Rah Zing in mual in liamsan ti kan theih tikah Central Chin Pawlpi, Kalaymyo in thinlung tak in poi kan ti ih kan tuarpizet.
2. A dang siat tong innsang 5 pawl khal thinlung tak in poi kan ti ih kan tuarpizet.
3. Falam khawpi meisa kaang ruangih siat tongtu pawl hrangah Central Chin Pawlpi, Kalaymyo in emergency meeting a ko ih theitawk ih ttanpi ding in hma kan la tum a si.
4. Ramsung le ramleng um Chin mipi khal in kangmei ruangih siat tongtu sungkua hrangah theitawk ih bombawinak tuah cio ding ah Central Chin Pawlpi, Kalaymyo in kan lo sawm.
5. Falam khawpi ih meisa kaang siat tong sungkua pawl bombawi a duhtu cun Central Chin Pawlpi, Kalaymyo President – Pu Fung Lian Zam (09789340818), General Secretary – Salai Bawi Lian Khum (09962534393), Treasurer – Pu Lal Pek Belh (09259078024) pawl hnen ah pehtlaih theih ring ring a si.

Chin Community USA – Chin Pawlpi USA
Falam Inn Kang Tuarpinak:
Jan 12, 2021 zing, Falam ah Inn a kang ti thu kan thei cu kan thin in ṭhawng-ih kan thla a ṭem sualso, a pawi tuk.
Himi Inn kang ruangih nunnak a liamtu Pi Mang Hlei Zing leh Nu Rah Zing kan lo ui tuk. Nan tanta mi nan unau sungkhat, rual le pi pawl leh Falam unau in kan lo siang lo. Leitlun taksa dan ah in feh san hman uhla, Kumkhaw nunnak Vanram nuam-ah tawnsalnak um hram seh.

Inn Kaang a tuartu Innsang zate hnenah siseh, nunnak in liamsantu Pi Mang Hlei Zing le Nu Rah Zing tei’ unau sungkhat zate hnenah siseh, Chin Pawlpi USA in kan ṭuarpi.

“Thil ziangkim hrangah can a um, Van rang hnuaiih thuhla tinkim hrangah can a um.” (Thusimtu 3:1)

Chin Community USA in Falam Innkang bawmnak fund a hawl ih a bawm duhtu cun himi link ah a hlu pektheih ringring a si. “Falam Innkang Bawmnak

Chin Pawlpi Canada
Ni 12/01/2021 zingih Falam inn kang le thihhlo tanpi nak ah mah le ti thei zat cio sumpai thawh tlang dingin kan lo sawm.. “Falam Inn Kang Hrang Bawm dilnak

Falam Christian Church Of Indianapolis
Hello LaiChin sempi, Zumtu unau pawl, Jan 12, 2021 ah Falam ah inn 6 a kaang ih mi pahnih in nunnak an liam, kan thei in kan riahsiatpi cio ding. Ramleng um pawl, riahsiatpinak, bomnak, kan ti thei tawk cio kan kuat pei uh. Mahte in $ 10, $50, $ 100 kuat a har ruangah a hlawm in hitawk ah kuat duhduh kuat theih asi.

Chin Community in tła donation an tuah ko, community ah tla direct pek their asi. Riahsiatmi riahsiatpi in lungawimi lungawipi uhsi.

Siat tong insang Pathian in Hnem hram seh. Falam khua Pathian in kilveng hram seh. Hi tawkah nan kuat mizapi ten rinsanmi pawlkom ah Falam ah kuat theh asi ding. “FALAM INN KAANG BAWMNAK

Leave a Reply

Your email address will not be published. Required fields are marked *