Leimin ruangah Inn ṭhawn ṭul dinhmun tiang harsat tong Innsang pawl cu CRCDF in Bawmnak Pe

Falam, fuurpi ah leimin a suak ringring ih inn ṭhawn ṭul dinhmun tiang harsatnak tong an um ṭheu.

Tukum fuurpi khal ah ruahceen leimin ruangah inn ṭhawn ṭul dinhmun tiang harsatnak tong innsang 8 lai an um. Cuvekih harsatnak tong innsang pawl cu Chin Relief-rehabilitation and Community Development Foundation in thlacam saknak, thazaang peknak le sumpai thawn bomnak a pek tiah theih a si.

CRCDF in leimin ruangih inn ṭhawn ṭul dinhmun tiang harsat tong bawmnak a pek mi pawl cu Laampa vengih um Pu Habakuk, Pu Ṭuan Ceu, Nu Biak Cer, Pu Paak Ling, Pu Siang Mang, Pu Biak Lian Thang, Pu Far Nei Thang tei` innsang le Cinmual bualrawn kiangih um Pi Cung Nei Ṭial tei` innsang pawl an si.

Kan dung fuurpi lai ih leimin ruangah inn ṭhawn ṭul dinhmun tiang a cangmi Laampa vengih:
1. Pu Habakuk
2. Pu Ṭuan Ceu
3. Nu Biak Cer
4. Pu Paak Ling
5. Pu Siang Mang
6. Pu Biak Lian Thang le
7. Pu Far Nei Thang tei’ innsang 7 hnen ah siseh, Cinmual bualrawn kiangih Pi Cung Nei Ṭial tei’ innsang ah siseh, tuzingah CRCDF ṭuanvo neitu pawl in an innsang cio hnen ah feh in thlacam saknak le thazaang peknak, bomnak sumpai pawl peknak kan nei – CRCDF

Chin Relief-rehabilitation and Community Development Foundation cu khuarel siatton, harsatnak a tongtu pawl ttanpinak, tunding salnak hrang le zatlang tthansonak hrangah dinmi pawlkom a si.

Leave a Reply

Your email address will not be published. Required fields are marked *