Lei Min in Falam In-Ti Lak Nak Pipe Pi a Hrut Siat

Falam in-ti laknak pipe pibik cu September 4 zaan leimin in a hrutsiat ih Falam Siipin le tidai laknak tawlreltu company in an rem rero tiah theih a si.

Ṭal le Thlanrawn karlak ih pee 100 sang, pee 80 hrawng kau mi leimin in a hrutsiat mi a siih Laiva ta in-ti laknak pipe pibik pee 80 hrawng a siatsuah.

Falam siipin le tidai laknak tawlreltu company ṭangtlang in September 8 ah Cet tuum pahnih le minung tha hmang in an rem thok.

Falam in-ti laknak pipe pibik a si ruangah khuasung in-ti harsalo dingin Ṭhuang dawhhna ta in-ti lak daanding khal an ngaih tuah cih ih, pipe remṭhat ding cu nithum hrawng a rei ding ruangah khuasung mi in tidai tenren deuh dingin Siipin lam in thuthannak an nei.

Laiva ta in-ti laknak cu kyat Taan 5000 hrawng cemliam in an tuah mi a si ih March 9 , 2020 ah onpuai tuah mi a si.

(IPRD Falam)
zuk : Falam Siipin

Leave a Reply

Your email address will not be published. Required fields are marked *