Lamzawh Duhphorhnak nei ruangah ralrin pek tuar

Tedim : Kawl ralkap uknak dodal in khuasung i duhphorhnak an nei ruangah Tedim cozah zung အထွေထွေအုပ်ချူပ်ရေးဦးစီးဌာန in Mino hruaitu 6 cu ralrin an pe tiah theih a si.

“Mino Volunteer 6 in ko ih tuhlan vekin khuasung remdai zetih umter an duh thu siseh, lamzawh duhphorhnak tuahtuklo dingin le duhphorhnak thawn pehpar awmi duun le daan khal siseh, lamzawh duhphorhnak nei hlan ah zung lam ih hmalaknak nei hmasa a ṭul tvk pawl in sim fiang” tiah Mino hruaitu pakhat in a ti.

GAD zung lam i kohmi Tedim Youth Fellowship ih ṭuanvonei pawl ah TYF chairman Thawng Sian Tungi, TYF ih ṭuanvonei CS Mung No le Shia Shian telin mi paruk an si.

GAD zung lam cun lamzawh duhphorhnak nei ding a si le cozah zungah siannak lakta a ṭul thu le Cozah siannak telloih duhphorhnak tuah cun ziangvek duun le daan thawn a kalhaw tvk pawl an sim cih tiah theih a si.

Kawl ralkap in Myanmar kumpi cozah thuneihnak a la hnu February 8 in Tedim ah ralkap uknak dodal in lamzawh duhphorhnak an nei thok.

Tuini February 16 khalah mipi 2000 kiangkap in lamzawh duhphorhnak an nei ih CDM cangvaihnak ih telduhlotu cozah zung hmai ah duhphorhnak nei in CDM ih tel cio dingah an sawmaw a si. (Khonumthung)

Leave a Reply

Your email address will not be published. Required fields are marked *