Laiva ihsin lakmi, Falam in-ti rim thaw lo, Naal khal a naal

Laiva Dam ihsin Falam in-ti hrang ih lakmi tidai cu rim nei in a naal duldo ruangah Falam mipi ṭhenkhat in, in dingah an dukdul deuh ti a si.

“Kumdang vek siloin tukum hi TIDAI rim asia zet.Cetzung khal arim asia. Zung hmai lamzin le akiang kap tiang arim asia lawlaw. Akiang ih dawr neitu in a caancaan ahcun rimsia celh loin zaan lai ah puanlu khuh a ṭul ṭheu tiah in sim” tiin mi pakhat cun Facebook cahmai ah a tar.

Facebook cahmai ih tar mi thu comment nakah mi pakhat cun “Kei cu in ka duh lo thok lo ziang. A naal tluaktlo ka ti” tiin a ngan ve.

Minung (kum kim/upa) taksa 60% cu tidai a si tiin mithiam pawl in an sim ih minung kan taksa hrang ih kan ṭul bikmi cu tidai thiang hi a si. Kan thazang cak tertu rawl eilo khalin tidai ring in ni mal lai cu um a theih a si.

Curuangah mipi in-mi tidai cu tulai technology hmang in maw, ti thei tawkte suah in thianfai sehla, a intu kan khua mipi, sungkhat, unau pawl an hrisel dingih a harhdam mi khau kan si thei ding.

zuk : ThlaKung

Leave a Reply

Your email address will not be published. Required fields are marked *

error: hahahahahaha !!