Laitlang le Phairam Ziin Ceek Dan/Cemliam A Bang Aw Lo – Pu Ngun Thawng

Chin ram ziin ceek nakah ti`n Chin cozah in budget hnak ih let 3 tam cemliam an hmang nan let thum ih ṭhangsonak hmuh ding a um lo ti`n soiselawnak a um mi cu Pu Ngun Thawng in simfiahnak a nei.

Amah cun “Laitlang budget cu 2011-2016 hrang ah Kyat 351,000,000,000/- le 2016-2021 hrang ah Kyat 864,000,000,000/- tin a si.

Budget hnak ih let thum tam lai an hmang nan a let thum in a ṭhangso lo an ti. Cutin ti a theih lo.
Ziangruangah?

Zin kan ceh tikah tlang hrap ih ceh ciamco asi. A tlunlam dawl a ṭul. A hnuailam dawl a ṭul. Vakua a tam tuk. Lilawn a ṭul, culvert a ṭul. Laitlang zin peng khat cem miin kawlrawn ah peng hra lai a tuah theih. Ziin a kau le kau lo a um.

A kauh le cehmi le dawlmi a tam sinsin. Khawte lamzin pop thluh dingih cehmi a hmulotu an tam. Inn kan sak tikah tlakrawh man a lethnih lenglo asi. Vunnel Kalay i 10000-15000 lai tingkhat tlun asi.

Curuangah Laitlangih inn sak tikah PAE pikhat vuakvel 47000 asi i kawlrawn ah 25000 asi. 30×50 thuahthum inn sak sehla kawlrawnah ting 1125 a cem nan Laitlangah ting 2115 cem a t’ul. Quality control i tuah asi tikah a man tam hman sehla a letin hmuh dingah a tam thei lo” tiah Pu Nung Thawng cun amai` bulpak Facebook cahmai ah a ngan.

Leave a Reply

Your email address will not be published. Required fields are marked *