Laitlang ah raltlan pakhat Ṭek in a tla that

Lairawn, Hmandaw khua ihsin sahimnak hawlin Hakha Peng, Haiphai khua ih beutu raltlan kum upalam mipakhat cu May 3 zaanlam nazi 2 hrawngah Ṭek in a tla that tiah theih a si.

Ṭek tlak tuar hi raltlan mi 3 le khawmi pakhat an si ih, mitampi an um lai ah a tlak hai ih vanduaithlak zetin Pi Dawt Par nunnak a cem.

“Ṭek tlak lai ah mitampi innsung ah an um nan a tla ngahmi cu mi 4 an si ih mipakhat nunnak a cem. In tan san tu Pi Dawt Par cu inntang a um lai fangah a si” ti`n khawmi pakhat cun a rel.

Ṭek tlak ngahmi ah Pi Dawt Par pasal khal a tel ih, a nih cu a Lu a kuai tiah amahcun a rel bet hrih.

Pi Dawt Par cu biaknak lam mission hnaṭuan lai a si ih Lairawn doawknak boruak ah sahimnak hawlin Haiphai khua ah raltlan dinhmun ih khawsa a si.

Haiphai khua ah raltlan innsang 61 le Mipum 281 an um tiah theih a si.

Leave a Reply

Your email address will not be published. Required fields are marked *