Lairam Duhdawttu Sayama Hniar Ngam

Sayama Hniar Ngam (Rev. Dr. Biak Hlei Mang ih Nupi) ih Lairam duhdawtnak

Tusun June 27, 2020 cu Chicago ih Sayama Hniar Ngam te inn ah kan hung leng ih ka rak ruah ban lomi thutha hlatha ka hung sarsuak.

Sayama nih, “USA ih kan umnak a rei thlang tikah Lairam kan ngai ih Lairam kan hlam ringring theu. Curuangah, Lairam kan ngainak in riamter deuh theinak dingah tiah Rih tidai, Lai sunhlu fa, Cong Heng lungto, Var lungto, Lumbang lungto le Lailun lungto pawl U.S. ah ka rak phur. Lairam ka ngai caan ah, ka tham, ka zoh theu”, tiah inti.

Cu lawng siloin, Lairam ih thilfa tampi le paisa tivek khal tamzet a khawl. Sayama hnen in ram duhdawtnak a thar in ka zir suak saalih ka lungawizet.

Thuhla phunphun ruangah kan laihri tannak ram kan suahsan ko na’n, kan nu Lairam kan hngilh lo, kan nu Lairam kan ngai ringring a si.

Ka duhdawtmi ka laicin seempi unau pawl, kan umnak khurkhua danglam hmanseh, lungthin sungah kan hmunkhat pei. Kan umnak khurkhua danglam hmanseh, sunmang pakhat kan man tlang pei. Kan umnak khurkhua danglam hmanseh, duhdawtnak hri kan kai tlang pei.

Justin Thang,
Chicago, IL
06/27/2020

Leave a Reply

Your email address will not be published. Required fields are marked *

error: hahahahahaha !!