Lailun Academy Private Tlawng in Cozah Theihpinak Capi ngah zo

Caan tawkmawi tawlrelnak an nei hnu ah Lailun Academy cun cozah theihpinak/siannak a ngah ih Cozah theihpimi Private bulpak tlawng onsiangnak capi khal an lakzo thu theih a si.

Himi tlawng cu Lilun Academy International (LAI-ECCD) tlawng ti`n Cinmual Veng, Taungzalat thlanglam ah tualleng tlawng dinhmun in phuan zo mi a siih Mirang tualleng tlawng tiah mi tamzet ih raktheihmi a si.

Tuahcun, Private bulpak tlawng dinhmun in cozah hnen ah register a tuah zo ih, Tlawnginn ih hman ding Pathangkhaan tangtaziin, Pu Za Hre Lian innhlun khal an rem rero lai ih a rei hlan ah an phuan thlang ding a si.

Lailun Academy Hramthok Private tlawng cu Pu Hlawn Hre Lian hmin in register mi a siih FBC biakinnpi ih CSSDD tangah ṭuanmi a si tiin ṭuanvo neitu pakhat in a sim.

Pu Hlawn Hre Lian cun, “atu ah hramthok tlawng dinhmun in register kan ngah ih lehhnu ah lailak tlawng, suakthuan tlawng le phunsang tlawng dinhmun tiang ṭhangso vivo dingah tumtahnak kan nei” tiin Chin Herald Daily News hnen ah a sim.

Lailun Academy tlawng phuan tikcu le form laak theinak pawl cu tui` zarhpi ah ṭuanvo neitu pawl meeting an nei hnu ah theihfiang a si lai ding.

ref:CH daily news
zuk : Thawng Bik FB cahmai

Leave a Reply

Your email address will not be published. Required fields are marked *