Kyat Ting 4900 cemliam ih Sak mi Falam, Nurse Tlawng ih innpi dot hnih ṭheh fel zo

Vankau tlang ih um Nurse Tlawng area sung ih ca zirnak ding dot hnih innpi sakmi cu zaṭek 100% ṭhehfel a si zo thu theih a si.

Thla 8 sungih sak ṭheh suakmi cuih innpi rualin a dunglam cangdawl khal an ṭheh suak zo thu theih a si.

Nurse pawl cazirnak ding innpi cu 2019-2020 cozah budget hmangin kyat ting 4900 cemliam ih sak mi a siih pi 140x30x24 sau, kau, sang a si.

Tender ngahtu Zomi Land company in March 31 in an sak thok ih November 23 ah an ṭheh fel a si.

Sak tharmi innpi dot hnih cu Ca zirnak khaan 7, Skill Lab၊ Teaching Aid၊ e-Library le computer khaan pawl hrangih hman dingmi a si.

Inndunglam ih pi 200×10 cangdawl khal cu Kum 2019-2020 cozah budget hmangin kyat ting 382 cemliam in ဖွားဖွားမေတ္တာ company ih ṭuansuahmi a si. (IPRD Falam)

Leave a Reply

Your email address will not be published. Required fields are marked *