Matupi – Chinland Defense Force le SAC ralkap karlak boruak sosang thei

SAC ralkap le palik komkhawm in Matupi khuahnar check-gate ih dutytu ralhraang pawl cun khuasung lutsuak mipi an hringhro nasat ruangah ralrin peknak ca rak suah zotu CDF – Matupi le SAC ralkap karlak ah boruak sosang thei dinhmun a si.

April 10 ih dinsuahmi Matupi Chinland Defense Force cun April 27 nikhenmi theihternak ca an suah mi ah SAC ralkap ralrin peknak ca an ngan tel.

Cuih ca ahcun April 4 ih dinsuahmi mipi hum tuding Chinland Defense Force pawlkombu hnuai ah CDF – Matupi an dinsuah thu, National Unity Government thawn hnaṭuantlang tuding an si thu, Chinram sung ah a ṭuldan vekin Chin Act phungdaan hman an tum thu an ngan tel ih netabik ah SAC ralkap in Chin ram ih a kaihkhih mi hmuahmuah thlah zalen dingin le a hraang zawng ih an cangvaih pehzom vivo pang cun CDF – Matupi in a zoh men lo ding thu an ngan tel.

Cuvek a si tikah tu dinhmun vekin SAC ralkap le palik an cangvai pehzom cun Matupi Chinland Defense Force in a zoh men lo dingih kaphnih karlak ah kahdonak tiang a suak thei tiah boruak thlirtu pawl in an sim.

zuk : TCP

Leave a Reply

Your email address will not be published. Required fields are marked *