Kum (14) Lawng A Deih Ṭheumi Kawlram Daan Hrampi

Kawlram Daan Hrampi (Constitution) hi Kawlram san thuan-thu ah voi thum kan nei zo ih a liam cia mi Daan Hrampi voi hnih hi Kum (14) veve lawng an deih.

1. 1947 Daan Hrampi
(a) 1948 – 1962 = Kum (14)
(b) 1947 ih Daan Hrampi cu 1948 kum in hman thok a si.
(c) 1962 kum Shan ramkulh Taunggyi khua ih tlangparmi hotu pawl tonkhawm pi an tuah t’um ah Panglong cakhen vek in mah le ramkulh cio uk aw ding (Federal) thu an rel ruang ah Democracy daan ih uk aw mi le Kawl mi-phun a si mi U Nuh cozah thu neihnak cu 1962 ah Ralkap bawi Ne Win nih thu neih nak a lak. (NW ho in thuneihnak an lak ti a si na’n Ralkap bawi NW le U Nuh cozah lak ah thuthup rem ti tlang mi an nei. Tlangpar mi pawl mah te uk aw ding hnak cun an mah lala ih uk thei nak ding hrang ah thu neih nak an lak ti a si).

2. 1974 Daan Hrampi
(a) 1974 – 1988 = Kum (14)
(b) 1974 Daan Hrampi lawng in a hlan ih Kawtulay State (Karenni) ti ih rak ko t’heu mi cu Kaya State ti ah thleng a si ih a hlan ih Chin Special Division ti ih rak ko mi cu Chin State ti ah thleng a si.
(c) 1988 ah rampum huap Tlawngta buai nak a suak ih ralkap uk ah kan tla sal. (1988 rampi huap tlawngta buai nak rak um lo sehla Kawlram ih kan rinsan zet mi kan pi bik ASSK tla Kawlram ah ra tlung in a um lanta lo tla a si thei. Tu dinglai cozah party kherkher tla a rak suak lo men thei).

3. 2008 Daan Hrampi
(a) 2010 – 2024 = Kum (14)
(b) 2008 Daan Hrampi cu 2010 kum in hman thok a si.
(c) A hlan ih Daan Hrampi um tu ning zoh tik ah tlangpar mi pawl mah le ramkulh cio uk aw ding thu cipcep a si ruangah 1962 lai vek in 2008 Daan Hrampi hi 2024 ah a cem ral sal pang pei maw ti ih khuaruah har za a si. (An mah mi-phun lala ih in uk thei nak ding hrang ah 2024 kan awh man lo tla a awl te).

Ralkap nih thu neih nak lak sal lo hramseh ti ih thlaza cam nak thawn
Salai Siang Cung Luai
Meisen Thla (January) 29, 2021 (Ninga Ni)
Fart’hawk Veng, Falam

Leave a Reply

Your email address will not be published. Required fields are marked *