Kuki-Chin Paralṭha Salai Thong Hao Gin cun a Thih hlan ah Palik 5 a that ta

India ramri ih um Sagaing ramṭhen, Tamu myo, Nanphalung ih CDM lut palik Thang Hou Gin (kum 25) cun doawknak ih an kap that hlan ah palik 5 a that ta tiah theih a si.

Amah hi Kuki Chin miphun a siih April 1 zaan ah kutden bomb 3 kengin mibur khat thawn palik zung an va siim ih palik 5 a that hnu ah amah khal meithal thawn an kap that tiah an sim.

“Palik sakhaan ah Bomb 3 a deng ih dung a siip lam ah a ṭang ah an kap ngah. An va siim nak palik zung thawn meter 200 hlat hrawng ah a nunnak a cem” tiah Tamu ih mibawmtu hnaṭuan mipakhat in a sim.

Anih hi February thla thok lam ah mipi lam ṭang in CDM ih telvetu a siih ralkap ukhruainak do in a nunnak a liam hi a si.

Paralṭha Thong Hao Gin ih ruak cu April 2 zinglam nazi 9 hrawng ah an va siim nak palik zung hmai in an lak suak ih nazi 11 hrawng ah an mah Kuki hnam dan vekin an vui liam tiah Myanmar Now in a ngan.

Leave a Reply

Your email address will not be published. Required fields are marked *