Korea ih hnaṭuan Kan unau Salai Kim Than Mawi in Mual in Liam san

Korea ram ih hnaṭuan Falam mi, rualvah hnih cu hnaṭuan tlunglam ah tidai bual phah in an cangsual ih runsuah man an si nan sizung ih an tuamhlawm hnu ah mipakhat mual a liam tiah theih a si.

Falam peng, Valung khawmi Salai Kim Than Mawi le Khawpual khua mi Salai Nung Piang cu 29/08/2020, zaanlam nazi 3 luan hrawngah Chuncheon Myo kiang tiva ih tidai an bual lai cu cangsual in tidai in a fen.

Kim Mawi cu tidai in a fen hmaisa ih, a rual Nung Piang in a va runsuak tum cu titha a cak deuh ruangah an pahnih in a fen.

Salai Nun Piang cu a hnaṭuanpi kawl pawl in an runsuak man ih Salai Kim Than Mawi cu 119 emergency service in minute 30 an hawl hnu lawng ah an hmusuak tiah Myanmar Labour Attache Korea FB cahmai ah an tarlang.

An rualvah hnih ten sizung lam ah an tlanpi cih ih tuamhlawm an si hnu ah Nun Piang cu ṭhatlam a pan vivo. Asinan arual Salai Kim Than Mawi cu a cuap ah tidai tamtuk a lut ih a tluak lam tiang a khawngban ruangah a nat celh lo in 31/08/2020, sun nazi 11 luan ah a nunnak a cem a sim.

Tu ah, Kim Tham Mawi (kum 21) ruak cu Chuncheon, National Kangwon University Hospital vurkuang ah rethrih a siih a hnaṭuanpi rualṭha, Korea ram ih rinsantlak Chin pawlkom le Myanmar siatton pawlkom ṭhenkhat in a ruat vui danding an tawlrel lai tiah theih a si.

Leave a Reply

Your email address will not be published. Required fields are marked *

error: hahahahahaha !!