Khuatlang mipi him thei nak ding hrangah CNO/CNDF in theihternak ca an suah

Khuatlang mipi khualtlawng sukso pawl him thei nakding hrangah Chin National Organization cun 2021, July 19 nikhenmi theihternak ca an suah ih, mipi lam in thlun tengteng dingin le thusuah thlun lo ruangih thil pakhat khat a cang pang cun CNO/CNDF in ṭuanvo kan la thei lo tiah theihternak ca an suah.

Chin National Organization cun a tanglam bangtukin theihternak ca an suah….

Chin ramkulh, Falam Peng sungih khual kan tlawng, kan veivak tikah kan motor thlalang khar in le kan thilphurhmi pawl tipuan thawn khuh phen thluhin, sukso lo dingah Chin National Organization/Chin National Defense Force (CNO/CNDF) in ralrinnak kan lo pe a si.

Cu tiih kan tlawngvak ding a si ahcun CNO/CNDF hnenah theihternak nei hmasa dingin thu kan than duh a si.

A tlunlam kan thanawk vekin kan thlun lo ruangih kahawknak pakhatkhat a cang pang a si ahcun CNO/CNDF in ṭuanvo kan la lo ding tiah kan lo than bet a si.

Leave a Reply

Your email address will not be published. Required fields are marked *