Khuasung mi pahnih telin Falam ah Covid 19 mina Pathum an hmu bet

Yangon ihsin Falam ih ratlung, Lungpi Ciinthlak Tlawng ih Facility Quarantine lut mipathum taksa par ah December 10 ah Covid 19 nat an hmu thu theih a si.

An pathum hin Yangon ih hnaṭuan an siih Chrismas hmang dingih Laitlang ah ratlung mi an si.

Lockdown tuahnak hmunhla ihsin Falam ih ratlung hmuahhmuah cu FQ lut ding ti a si ih an pathum khal cu Lungpi Ciinthlak Tlawng Q hmun ah lutter an si.

FQ an um lai ah SWAB lakin Hakha Siizungpi ah test dingin an kuat hnu, December 10 ni ah Covid 19 nat an nei mi an hmusuak a si.

Covid 19 mina pathum cu Balai veng ih um kum 25 mi nunau, Tlanglo veng ih um kum 25 mi nunau le Thantlang khuami kum 25 mi nunau pawl an si ih an pathum in Falam Siizungpi ah enkol dingin an kuat zo tiah IPRD Falam in Facebook cahmai ah a tarlang a si.

Leave a Reply

Your email address will not be published. Required fields are marked *