Kei cun Aung San Suu Kyi ka thlun ding – Dr. Run Bik

India ihsi kan ram ih ka ra tlun ṭumah Aizawl ah Falam naule 50 tlun in, in rak hmuak. Zaan ah rawl in do ih ziang party ah na lut ding in ti. NLD ah ka ti.

Suh Kyi hi kan ram democracy hrang Ih house arrest kum 15 thawng tla ngam tu a si ih, a pasal thih zik lai hman i ralkap pawl ih a pasal an hmu tir lo mi a si.

Kan ram federal democracy i in hruai thei tu ding hi NLD maw USDP+ralkap maw an si ko. NLD cun kan duh vekin in hruai cak lo men ding nan USDP+ralkap cun kum 2008 ih an nganmi ralkap le Kawl pawl ti thupik ring ring nak kum 2008 Daanpi in kum 30 lai cu an pial duh ka ring lo.

Kei cu NLD ka si i NLD ah vote ka pe ko ding. A si nan CNLD Lai party I mipi thinlung nan lak thei ahcun ka lung a awi ve ding.

Tu ah, Chin state ah MP hmun 18 le ralkap 6, an zaten 24 an um. Acozah tuah thei ding cun 13 ngah a ṭul. CNLD hi a rung cak zet ih seat 7 ngah in a tumbik tla a rung si thei ko. 7 cu rel hlah, 9 hman a ngah thei ko. Asinan CNLD hi NLD lam a ṭan lo cu Mizo ṭong ti Dan in ‘eng ti na mah a ni lo” a si mai.

Ziangahtile Baho Central ah NLD amah lawng hruai maw NLD ho kopaw acozah a si teng teng ding. Lairam ih CM cu NLD tamadah in a hril tho tho ding.

Curuangah rampum hnen ih thuphuang the unit CNLD chairman, Ngai Sak hnenah Thuhmaan ka lo pe duh. Mipi theih ah CNLD cun Chinram acozah ho thei ding in ka zum. Central ah cun NLD kan ṭan tiin, Cuti a si ih CNLD a cak tla ah cun Chin cozah cabinet ah CM le minister dangdang cu CNLD a si dingih,NLD 2 le party dang ihsin 1 tla in acozah nan hruai ding. Central ahcun NLD kan kop ding nan ti lo cun CNLD duh hrek khat in ralkap nan kop pang an phang ho khaw.

Dr. Run Bik

Leave a Reply

Your email address will not be published. Required fields are marked *