Kawl ralkap le Palik in innsung ih um Nunau 5 an kai

March 19 ni cu Hakha khualipi ah dangdai zetin mipi tello Hnahcang caphun duhphorhnak an nei.

Khuasung laili takih ralkap ukhruai duhlonak langter in ca an tarmi pawl cu suntlai nazi 1 hlan ah ralkap le palik pawl in an siat sak thluh.

Sunpadir 12 ihsin zaanlam nazi 5 tiang lengsuaklo dawrkhar duhphorhnak an nei pehzom ih cumi lai khalah ralkap le palik pawl cu nasaten an cangvai ih Hakha khualaili Junction Guest House ih um nunau 5 cu zaanlam nazi 2 hlan ah ralkap le palik pawl in an kai tiah theih a si.

Mi 5 kaihkhih tuar thuthawn pehpar in Hakha khuasung ih um mipakhat cun “ralkap ukhruai duhlonak lang terin ca kan tarmi an siat hnu ah Junction Guest House ih um miṭhenkhat an kai.”

“Amalbik mi 5 an si ih nunau lawnglawng an si. Cumi ah Hakha Town dawr ih hnaṭuan mipathum an tel ih a dang pahnih cu Hakha peng khuami an si” tiah a sim.

Leave a Reply

Your email address will not be published. Required fields are marked *