Kan lungrual ngaingai lawngah Miphun dangin in zah ve ding – Solomon MRH

Chin Rock Siangpahrang Solomon MRH cun tuṭum Myanmar rampi hrilawknak boruak ih Chinram hruaitu le Mino pawl ih ṭangrual ṭuantlang ṭhat zia le tuṭum dinhmun vek thotho in hmainor tlang kan ṭul zia a rel suak ih Chin mi ah pumkhat kan si timi lungput thawn kan ṭangrual lawng ah Miphun dangin in zah ve ding a ti.

Amah cun “Tu țum in Chin ti rorin țangkhawm vivo a si ih Hruaitu le Mino pawl ka lo uar hngai lawlaw. Chin kan si ti aw ko nan Peng le Tlaang ah kan buai hrih ahcun Chin a cak thei dah lo ding. Kan lungrual ngaingai lawngah Miphun dangin in zah ve ding cu si..

Thlarau lam tla cun Satan in kan lungrual a țih tuk ruangah a peng ih buai ding tete a rak sial cingcing.
Chinmi ih PATHIAN ti rorin Miphun dangin JEHOVAH kan PATHIAN an thei si kha mah le mah buainak tete um țheu ruangah PATHIAN a caangvai theilo.

Kan Miphun duhdawt awknak a um lo ahcun Leitluun Miphun hmuahhmuah Sertu PATHIAN in, in taansan leh ding kan tuk a suum hlaanah Theithiam Ngaithiam aw in Unau sinak nunpi thlaang uh si” tiah a ti.

Leave a Reply

Your email address will not be published. Required fields are marked *