Kalay thlen hlan ah Myanmar ralkap le Mipi an kap aw

Kalay sehvel ah kawl ralkap pawl cangvaihnak an nei rero tiih thuthang a suak hnu zaanlam ah Kalay thlen hlan, Sithar khua kiang ah Mipi le Kawl ralkap pawl an kap aw tiah theih a si.

Gangaw lam in a ra mi ralkap motor pawl kham dingin khua mi pawl in lamziinkap ih thingkung an hau tluk mi ṭhiatfai dingah ralkap motor 4 hrawng in a ra pan cu mipi lam in Lai meithal pawl thawn an rak do ih an kap aw thok.

Sitha le Natmyaung khua karlak ah a si ih mipi lam khalin Lai meithal hmangin an rak do ih ralkap lam khalin meithal thawn an rak kap ve.

Zaanlam nazi 6 kimzik hrawng ah meithal thawm a dai sal ti a si ih kap hnih lam in hliamhma tuar le mithi an um le umlo cu thu felfai a suak hrih lo.

edit : Kaphnih khua ih mipi pawl cu hramlak ah tlan in himnak an hawl ih mitamzet an relh tiah theih a si.
(The Chin Journal)

Leave a Reply

Your email address will not be published. Required fields are marked *