Ka hnaṭuan Caan` mi le Mipi tuarnak cu TahṬhimrual an si lo – Mai Olivia YinHua Thawng Luai

2021, March 1 in a lang te`n hnaṭuan cawlhter a simi Chin arsi Mai Olivia YinHua Thawng Luai cun hna an ban mi thuthawn pehpar in March 27 ah hmaisabiknak a ṭong suak ih “Dothlennak ah nehnak kan co tengteng ding” a ti.

Amah cun “hmaisa ṭum hna ban mi minung 38 lakih ka hmin tel ve lo cu ka tha a rak nau sawn lam” a ti.

Mai Olivia YinHua Thawng Luai cu Nay Pyi Taw, Ministry of Health & Sport ih Assistant Director tuanvonei a siih Myanmar ralkap ukhruainak do in CDM ah February 8 in a tel thok ruangah ralkap cozah in a lang te`n hnaṭuan an ban mi a si.

March 1 ihsin hnaṭuan cawlhter a si nan March 22 lawng ah ralkap cozah lam in theihternak ca an suah. Amah telin Rampi huap le ramkulh, ramṭhen ih Harhdamnak le Lehpannak zung hnaṭuan ṭuanvonei hotulam minung 17 an cawlter.

“Atak ahcun pumcawmnak ding business thiam mi dang ka nei lo. Ka tet lai ihsin Lehpannak khawvel ih ṭhanglian ka si ih ka hnaṭuan hi ka upat zet fawn. Asinan, kawl ralkap pawl ih suam rero mi mipi tuarnak le ka hnaṭuan caan` mi cu tahṭhimrual an si lo.”

“Ka nuntluan hlawhtlin ṭhansonak hrangih in ṭanpi ringringtu dodal cu a si ko nan hril ding dang ziin ka nei lo ih a tui` ka zawh mi ziin hi ka thluh hrih ko ding” tiah Chin arsi Mai Olivia YinHua Thawng Luai in a ti.

Leave a Reply

Your email address will not be published. Required fields are marked *