June 25 ah Surbung Vanzam tualrawn ah Vanzam ṭum sin ding

Chin ram ih hmaisabiknak vanzam tualrawn sidingmi Surbung vanzam tualrawn cu vanzam ṭumsinnak neitum a siih nikhua ṭha in remcang a si le June 25 ah ṭumsinnak nei ding a si.

Surbung Vanzam tualrawn cu zaṭek 95% ṭhehfel a si zo ih tidai, meisa le tualrawn enkoltuding umnak inn pawl khal sak ṭheh a si zo.

Covid 19 damlonak ruangah tumtah vekin ṭuan theih a si lo ruangah kim cang ten ṭuan ṭheh thei a si lo ih, rem cang in nikhua a ṭha pang le ara lai dingmi tlawngkai ni 4 ni ah vanzam ṭumsinter tum a si.

ATR-72 VanZam

Tipi thuanthum ihsin feet 6000 sangnak ih sakmi Surbung vanzam tualrawn cu kum 2015 ihsin sak ṭan a si ih saknak man ah 34 billion kyat (US$24.34 million) hrawng cemliam a si.

Vanzam tlannakding lamziin cu a sau lam ah ft 6000, kauh lam ft 100 a siih France le Italy ram suak vanzam ATR-72 phun ṭumnak dingih sakmi a si.

Leave a Reply

Your email address will not be published. Required fields are marked *