June 10 Chinram Doawknak ah SAC Ralhraang 27 thi

Mizaan, June 10 ah Chinram pengṭhen 2 ah SAC ralhraang le CDF doawknak a suak ih ralhraang lam minung 27 an thi tiah CDF in a tarlang.

Zinglam nazi 10 hrawngah Thantlang peng, Khualhring tlangtluan ah CDF – Thantlang le SAC ralhraang doawknak a suak ih ranksang ralbawi pakhat telin SAC ralhraang 17 an thi tiah Chinland Defense Force (CDF) in thuthang an suah ih “CDF-Thantlang lam ah khawngaw le hriamtuar an um lo” tiah an tarlang.

Doawknak ruangah Khualhring tlangtluan ih khuami ṭhenkhat cu himnak hawl in hramlak ah an beu tiah theih a si.

June 10 zaanlam nazi 3 hrawng khalah Hakha-Gangaw karlak ah SAC ralhraang le CDF-Hakha an kapaw tiah theih a si ih ralhraang lam 10 thi an um tiah CDF in thuthang an suah ih “CDF-Hakha lam ah khawngaw le hriamtuar an um lo” tiah an tarlang a si.

Leave a Reply

Your email address will not be published. Required fields are marked *