July thlacem tiang India-Myanmar ramri luhsuahnak Phit

Covid – 19 ruangah Mizoram sung ih lockdown tuahnak thla 3 a kim zikte thlang ih, mipi zalen deuh dingin Mizoram cozah in daan thar a tuah nan India-Myanmar ramri luhsuahnak pawl cu July thlacem tiang phit a si thu theih a si.

Daan thar ahcun Mizoram vanzam tualrawn ong ding, nitin ṭulhei ei-in phurtu motor pawl hrang lawng ong ding, hmunhla/ramdang ihsin Mizoram luttu quarantine neiterding, ramsung ramleng khualtlawng duhtu cun cozah hnen ah siannak laktading tvp a tel a si.

Cuhleiah, Mizoram sung ih dawr le cozah zung pawl khal in Harhdamzung ih thusuahmi thlun a ṭul ding thu LPS in a phuang.

Cuvekin, ramsung mipi zalen deuh dingin Mizoram cozah in a phuang nan, Myanmar-India ramri lutsuaknak pawl cu July thlacem tiang an phit a si.

Tufangah, Mizoram sung ih Covid – 19 nathrikkaitu mipum 160 an um ih cupawl lak ihsin mipum 122 pawl cu an dam salzo a si.

ref:ChinWorld

Leave a Reply

Your email address will not be published. Required fields are marked *

error: hahahahahaha !!