July 11 – Nikhat sungah Falam ah Mithi 4 kan nei

July 11, zarhpi ni ah Falam ah mithi 4 kan nei nan Pu Peter Tai Kheng (kum 66) le Pi Veronica Dim Thluai (kum 75) te pahnih cu Covid – 19 negative an si.

July 11, zinglam nazi 4 hrawngah Lungbum khuami Pi Thian Vel (kum 55) cun Covid natnak thawn in cem san ih Volunteer pawl in Laampa thlanmual ah an vuiliam.

Zaanlam nazi 6:30 luan hrawng khalah Rev. Daniel Vai Lian Zul (kum 50) in Covid natnak thawn Falam Siizungpi ah in cem san ih a zaanzaan in Laampa thlanmual ah an vuiliam cih.

May thlacem lam in Falam ih Covid mina an hmu thok sal hnu, tuini tiang nitin deuh thaw in mina thar an um ringring ih June 1 ihsin July 11 tiangih mipum 1123 Covid nat an check mi ah positive 402 an um ih damsal 165 an um zo a si.

Tudinhmun ah Covid ruangah Falam khuasung in mithi 23 an um zo ih Laikhua lam ihsin mi 4 an thi zo a si.

Zatekom in Falam peng sungah Covid – 19 ruangih thi mipum 27 an um zo ih penghuap mithi pawl cu : June 2 ah Pi Zing Rem Thluai (Kum 53), June 12 ah Rev. Piang Bik (Ramthlo- Kum 51) le Pi Khawfeli (Rihkhawdar- Kum 81), June 13 ah Pu Sui Ceu (Kum 67) le Pu Lalthanpuia (Rihkhawdar- kum 38), June 16 ah Mai Lal Muan Kim (Kum 27), June 18 ah Pi Za Nawn Kai (Kum 79), June 19 ah Pastor Thang Hre Mang (kum 33), June 21 ah Pi Lun Khaw Niang (kum 76), June 22 ah Salai Lal Than Eng (kum 25), June 24 ah Pu Cung Lian (kum 66), June 25 ah Pu John Ral Za Lian Kulh (kum 60), June 26 ah U Win Naing (Rihkhawdar- kum 72), June 27 ah Pu Hrang Thawm Vel (kum 62), June 28 ah Pu Leeng Tin Hre (kum 66), June 29 ah Daw Win Mya Kyi (kum 51), June 30 ah Pi Ni Siang Men (kum 39), July 1 ah Pi San Del (kum 63) le Pu Lal Duh Cung (kum 44),July 2 ah Pu Hung Hleih (kum 46), July 5 ah Pu Thang Lam Kim (kum 40), July 7 ah Pu Martin Hniar Cung (kum 72), July 9 ah Rev. Philip Tlei Thuan (kum 63) le Pu No Lian Sang (kum 73), July 10 ah Pu Ronald Ci Hem (kum 75), July 11 ah Pi Thian Vel (kum 55) le Rev. D. Vai Lian Zul (kum 50) pawl an si.

Leave a Reply

Your email address will not be published. Required fields are marked *