Hnaṭuan thaapin CDM ih lutzotu Falam penghuap palik 15 an um zo

Ralkap ukhruainak hnuai ih hnaṭuan huam nawnlo Falam palikraul cun a langten hnaṭuan cawl in CDM ah an tel thok thu video tawite an thlah.

“Palik hnaṭuan kan ban san mi a si lo. Ralkap ukhruainak tang ah hna kan ṭuan thei nawnlo ruangah CDM ah kan tel thok mi a si” tiah Falam palik 7 cun theihternak video tawi an suah mi ah an sim.

CDM ih telzotu Falam palik pakhat cun “Falam peng huap in palik 10 hnak i tam in CDM ah kan tel thok zo. Kan pu le pawl thu el in hnaṭuan kan cawl mi a si ih hmailam ah ziangvek dinhmun kan thleng ding ti sim a theih lo” a ti.

Kawlralkap in February 1 i rampi thuneihnak a la hnu ah an ukhruainak duh lo ruangih palik CDM luttu an tam zet zo.

India ram lam ah himnak hawl ih tlanlut khal an um phahphah zo ih tlan dingih timtuah rero lai Chin palik ṭhenkhat khal an um hrih lai.

Tudinhmun tiangah Falam peng ihsin CDM lutzotu palik 15 an um zo tiah theih a si ih an hnaṭuan thaap in mipi an dinpi mi par ah mipi lam in an fak zet a si.

Leave a Reply

Your email address will not be published. Required fields are marked *